BUTUAN CITY – Epektibo na karong adlawa, Mayo 1, Labor Day, ang pagpatuman sa ikaduhang hugna sa suhulan alang sa mga minimum wage earners sa pribadong kompanya sa tibuok Caraga Region.
Sa eksklusibong pakighinabi sa Bombo Radyo Butuan, gibutyag ni Atty. Joffrey Suyao, Regional Director sa Department of Labor and Employment kon DOLE-Caraga, base kini sa Wage Order No. 8, kondiin kini ang usa sa mga highlights sa pagsa-ulog ning adlawa sa ika-122 nga kasumaran sa Adlaw sa Pamuo.
Gibutyag sa opisyal nga ang unang hugna sa pagsaka sa suhulan gipatuman niadtong Enero 1.
Gawas sa mga minimum wage earners, ang mga katabang sa balay magdawatan na usab og 5-mil pisos nga binuwang suhulan human gidugangan og usa ka libo ka pisos ang ilang sweldo.
Samtang as of alas-11:15 kaganinang buntag, anaa na sa 68 ka mga aplikante ang Hired-On the Spot (HOTS).
Gibutyag sa opisyal nga kapin sa 8,000 ka bakanteng trabaho ang available sa Job Fair nga gisalmutan sa 115 ka ga employers participating employers.
Gawas niini, gihimo usab sa ilang ahensya ang pay-out alang sa mga benepisyaryo sa Tulong Panghanapbuhay Para sa Ating Disadvantaged/Displaced Workers kon TUPAD program ug ang Government Internship Program Salary Disbursement kon DILP Livelihood Grants Release.
