BUTUAN CITY – Ang kawala’y selebrasyon nga matigayon sa Pilipinas alang sa ika-500 nga anibersaryo sa kasa-ulugan sa Kristiyanismo sa nasud, ang nag-aghat sa Mindanaoan nga si Fr. Ricky Gente, pag-organisa sa maong kalihukan didto sa Roma.
Sa eksklusibong pakighinabi sa Bombo Radyo Butuan, gibutyag ni Fr. Gente, presidente sa Santa Pudenziana Basilica, mother church nga duna’y 63 ka mga kapilya sa Roma kansa duna’y 47-mil ka mga Filipinong deboto Katoliko, siya mismo ang mihangyo kang Pope Francis nga sa Vatican sa-ulugon ang pagsulod sa Kristiyanismo sa nasud tungod sa hulgang hatud sa COVID-19 pandemic.
Dihang misugot ang Santo Papa, gisugdan gilayon niya ang pag-orgnisa sa mga kalihukang angayang himuon nga na-abtan og kapin usa ka tuig adiser malampusong nariyalisar niadtong Dominggo sa hapon, Marso 14-oras sa Pilipinas.
Gipasabot ni Fr.Gente nga ang maong ang selebrasyon, usa ka paagi sa pagpasalamat usab sa universal church pagpanguna ni Pope Francis sa kontribusyon sa mga Filipino sa evangelization sa tibuok kalibutan.
Usa usab kini ka pagbalik-lantaw nga ang Pilipinas usa ka nasud nga Kristiyano kon tigsunod ni Kristo sa sinugdanan pa lang nga angayan natong puy-an ug renewal sa atong pagbale-wala na sa nadak-an natong pagtuo.
Ang balaang yukaristiyang kasa-ulugan naghatag usab og tumang kalipay sa Santo Papa tungod sa kanindot sa espirituhanong aspeto sa mga Filipino tungod kay taliwa sa gi-atubang nga mga dagkong problema sa kinabuhi, mahimo gihapon sa mga Pinoy ang pagpahiyom ug ang pagkatawa.
Napamatud-an matud pa kini sa Santo Papa dihang mibisita kini sa Pilipinas human mihapak ang bagyong Yolanda kondiin taliwa sa mga dagkong damyos ug natalang casualty, nakita gihapon niini ang mapahiyumong dagway sa mga Pinoy.
Narlyalisar matud pa sa Santo Papa nga inay siya ang magdala og paglaum sa mga biktma sa Yolanda, siya nahinuon ang nahatagan og blessing tungod sa hayag nga panagway sa mga biktima sa super typhoon nga nagpakita sa lawom nga pagtuo sa Kahitas-an.
