BUTUAN CITY – Gihulat karon sa katawhan sa United Kingdom ang posibleng lakang sa Buckingham Palace alang sa himuon unyang funeral rites sa namatay’ng si King Philip, ang Duke sa Edinburgh ug bana ni Queen Elizabeth II.
Sa eksklusibong interview sa Bombo Radyo Butuan, gipadayag sa Pinay Globetrotter TV presenter nga si Melissa Grace Dizon nga nakurat ug nagsubo karon ang mga tawo sa maong nasud sa pagtaliwan sa 99-anyos nga prinsipe ilabina nga nahimo niini ang iyang papel isip primary supporter sa tanang kalihukan sa asawa niining si Queen Elizabeth.
Kumbinsido usab ang mga tawo nga nahimo og nabarugan sa longest-serving prince sa British history ang katungdanan niini alang na sa gingharian sa Britanya hinungdan nga naghatag usab og inspirasyon ngadto kadaghanang kabataan ang kinabuhi sa 99-anyos nga Duke of Edinburgh.
Nasayrang hangtud karon, padayon pa gihapong nakatala og mga kaso sa COVID-19 ang UK hinungdan nga posibleng giplanuhan pa sa palasyo kung sa unsang paagi makakita sa iyang haya ang katawhan sa ilang nasud ug apil sa posibleng himuon ang online viewing.
Gani sukad pa ning mi-aging tuig, dili na padugayon pa ang paghaya sa patay aron malikayan ang tinakdanay rason nga naghulat pa sila kung unsa ang mamahimong dagan unya sa paghaya kang Prince Philip.
Samtang sa kaso usab sa COVID-19 sa maong nasud, gipadayag ni Dizon nga dako ang gikunhod sa ilang mg natalang kaso human nga mi-abot na sa 30-milyunes sa ilang populasyon ang natupukan sa COVID-19 vaccine kondiin apil na sa mga natupukan ang mga healthcare frontliners ug mga vulnerable.
Siya naghulat na lang og tawag gikan sa National Health Service kon NHS aron usab maka-avail sa maong bakuna.
