BUTUAN CITY – Pormal nang nanumpa isip bag-ong Department of Homeland Security head si US Senator Markwayne Mullin.
Gisaksihan ni US President Donald Trump ang pagpanumpa sa katungdanan ni Mullin.
Ang US President mismo ang mipili kang Mullin human ang pagkanaog sa puwesto ni DHS Secretary Kristi Noem.
Ang first-time senator nga Mullin midaug niadtong special election apan 10 ka tuig na kining nahimong US representatives sa Oklahoma sa lower house sa Congress.
Una nang gibutyag ni Mullin nga magpatuman kini og mas maayong lakang sa pagbatuk sa iligal nga mga immigrants.
Mahinumdumang nag-atubang sa kontrobersiya ang DHS tungod sa reklamo batuk sa mga Immigration and Customs Enforcement (ICE) diin dunay pipila ka insidente sa pagpamusil nga natala sa pipila ka estado sa US.
