BUTUAN CITY- Pormal nang giablihan ang ika-66th Palarong Pambansa 2026 kagahapon adlawa Mayo 24 sa Datu Lipus Makapandong Governor Democrito O. Plaza Sports Complex sa Prosperidad, Agusan del Sur, diin kapin sa 13,247 ka atleta, coaches, ug officials gikan sa 20 ka delegations ang nagtapok aron ipakita ang kusog ug abilidad sa kabatan-onan. Sa opening ceremony, gipakita niini ang mabulak-lakong parada sa tanang contingents gikan sa 18 ka rehiyon sa Pilipinas, uban pa ang National Academy of Sports ug Philippine Schools Overseas
Ang tema karong tuiga nga “Unlocking the Future Through Sports” nagpasabot sa papel sa dula isip pultahan sa paglambo ug paglaum alang sa kabatan-onan. Atol sa maong seremonya, gipa-ambit ni Agusan del Sur Gov. Santiago “Santi” Cane Jr. ang iyang dakong kalipay human mahimong host sa Palarong Pambansa 2026, diin asa sumala niini, kini usa ka dakong oportunidad nga mapakita ang kultura, panaghi-usa ug ang suporta sa mga kabatan-onan alang sa kaugma-on sa nasud.
Samtang sa Video message usab ni President Ferdinand Marcs Jr., gi-awhag niini ang tanang atleta nga gamiton ang Palaro isip plataporma sa paglambo sa disiplina ug pagkugi.
Ang Palaro magpadayon hangtod Mayo 31, diin ipahigayon ang kompetisyon sa daghang sports events sama sa athletics, swimming, basketball, ug volleyball.
