OIC sa LTO-Caraga, mi-apela sa publiko nga dili una husgahan ang 9 ka nadakpang enforcers

BUTUAN CITY – Mi-apela si Land Transportation Office o LTO-Caraga officer-incharge o OIC regional director Joel Consulta sa publiko nga dili una husgahan ang siyam nila ka mga enforcers nga nadakpan sa joint entrapment operation pagpanguna sa mga personahe sa LTO-Central Office. 

Gipadayag sa opisyal nga samtang nagpadayon pa ang imbestigasyon sa ilang sentrong buhatan, mas maayong dili una sila husgahan tungodkay duna matud pa sila’y pamilyang masakitan. 

Misaad ang opisyal nga kung mapamatud-ang tinuod nga nangilkil ang mga nadakpan, silutan sila base sa ilang gihimo. 

Kini tungod kay dili matud pa angayang konsentihon ang sayop nilang gihimo ilabina nga dili angayang gamiton sa binuang ang pagpatuman sa balaud.