BUTUAN CITY – Naglusad ang North Korea og usa ka intercontinental ballistic missile kansa duna’y igong range nga mu-igo sa US mainland, base na sa pagbutyag sa defence minister sa Japan.
Ang maong missile mitugdong sa kadagatan sa gilay-ong 210-kilometrong sa kasadpang bahin sa Hokkaido, Japan.
Gikondena gilayon sa US ang maong paglusad samtang ang South Korea mimando og mas lig-ong deterrence measures batuk sa North.
Kagahapon nagbahad si North Korean Foreign Minister Choe Son Hui sa mas init nga tubag sa bisan unsang pagdugang sa US military presence sa rehiyon.
Sa susamang adlaw, naglusad usab ang Pyongyang og usa ka short range ballistic missile human ang tigom niadtong Dominggo nila South Korean President Yoon Suk-yeol, US President Joe Biden ug Japanese Prime Minister Fumio Kishida sa Cambodia, kondiin ilang nasabutan ang pagdugang sa ilang military co-operation.
