BUTUAN CITY – Gihupay sa nagpailang si Ka Otto gikan sa rebelding New People’s Army kon NPA ang kabalaka sa pamilya sa sundalong ilang gidagit nga si PFC Erwin Salan, sa 30IB.
Sigon pa ni Ka Otto, anaa sa maayong kahimtang ang maong sundalo nga gitawag nila ug Prisoner’s Of War kon POW dungan sa pagbutyag nga hugot silang nagasunod sa balaod sa gubat.
Ila matud pa kining gi-atiman samtang nagpadayon pa ang imbestigasyon kung duna ba kini kalapasang nabuhat.
Giklaro usab niini nga naniktik ang maong sundalo sa kalihukan sa walhong grupo ug ang pagkaligo sa falls kauban ang pipila ka sibliyan, pagpaka-aron-ingon lang.
Misaad usab kini nga mag-upload ug video aron ipakita ngadto sa mga kabanay nga anaa sa maayong kahimtang ang ilang anak.
Kini human personal nga midalikyat ning sibyahan ang ginikanan ni PFC Salan ug mihangyu nga maka-estorya man lang ang ilang anak.
