BUTUAN CITY- Dili mo ubos sa dose-dosena ka tao ang namatay human sa nahitabong pagbuto northern Myanmar kagahapon.
Nahitabo ang insident alas 12:00 sa udto sa Namhkam township.
Sumala sa usa ka first responder sa Namhkan district sa Shan state, ming-abot sa 46 ang namatay, lakip ang mga bata, samtang kapin 70 usab ang na-angol. Usa pa ka rescuer ang nagbutyag nga 59 ka-tao sa kinatibuk-ang ihap ang namatay. Sigon usab sa National Liberation Army (TNLA), usa ka inilang ethnic armed groups sa nasud nga ang pagbuto tungod sa “accident detonation” sa gitipigan nga mga eksplosibo nga gigamit sa pagmina ug quarrying.
Sa kasamtangan wala pay sigurado nga ihap sa mga biktima ang gipagawas sa grupo samtang nagpadayon ang imbestigasyon sa eksaktong hinungdan sa insidente.
Dugang pa sa TNLA nga ang mga pabuto gipanag-iygan sa iladong economic department, ug padayon pa nilang gisuta kung ngano kining mingbuto.
Kahinumduman ang Myanmar nagpabilin taliwa sa civil war sukad gi-ilog sa militar ang gahom niadtong 2021, nga nakahimo og padayon nga bangi tali sa junta forces ug ubang pro-democracy ug ethnic armed groups.
