BUTUAN CITY – Gi-anunsyo sa US Department of Justice ang pagkadakop sa usa ka wanted fraud suspect sa Federal Bureau of Investigtion kon FBI nga si Herbert Leon Kimble sa usa ka casino sa Pasig City.
Gisundan siya sa mga ahente sa Bureau of Immigration ug US government sulod sa pila ka bulan hangtod nadakpan ug gipabalik sa Amerika.
Niadtong 2019, mi-angkon siya sa mga kaso sa fraud sama sa healthcare fraud, mail fraud, ug wire fraud apan wala siya mitunga sa iyang sentencing hearing niadtong 2024, mao nga giisyu ang warrant of arrest batok kaniya.
Sigon sa FBI, gikan 2014 hangtod 2019, nagpadagan siya og scam nga naggamit og mga call center sa Pilipinas aron limbongan ang mga tigulang sa Amerika nga sakop sa Medicare.
Tungod sa iyang operasyon, mi-abot sa kapin $1.2 bilyon ang nadani nga sayop nga charges sa Medicare ug daghang mga tigulang ang naapektuhan.
