BUTUAN CITY – Gi-aresto sa mga sakop sa intelligence and special response team sa Bureau of Immigration kon BI uban sa suporta sa Armed Forces of the Philippines (AFP), ang usa ka Mongolian national didto sa Iba, Zambales tungo da iya matud pang mga gihimong pagpangispiya.
Base sa record sa mga otoridad, usa siya ka trained pilot nga duna’y military background, ug nagtuon sa Defense University of Mongolia ug sca Civil Aviation University of China, ug duna pa’y lisensya isip usa ka jet fighter pilot gikan sa PLA Air Force Aviation University.
Nakakuha og atensyon ang maong kaso tungod kay ang Zambales duol man sa West Philippine Sea, ang lugar diin duna’y geopolitical tension.
Gi-ila siya sa Bureau of Immigration (BI) nga si Boldbaatar Bold-Erdene, 30-anyos ug gisikop siya sa usa ka aviation school sa Barangay Lipay Dingin, lungsod sa Iba, Zambales.
Gi-tag siya sa BI isip “undesirable alien” tungod sa hulgang iyang dala ngadto sa interest ug kaluwasan sa publiko.
Base sa najyhang mga intelligence reports, duna siya’y kutay sa China ug nagkuha matud pa og mga aerial photos sa Iba airport ingon man sa kasikbit nga Palauig River area.
