BUTUAN CITY – Gitawag sa usa ka experto nga Committee on Injustice ang mihimo sa impeachment proceedings batuk kay Vice President Sara Duterte nga Committee on Justice sa House of Representatives.
Sigon ni Gerry Caño, Presidente sa Professional Criminologists Association of the Philippines nga tataw kaayu ang gihimo kagahapong adlawa nga pulitika ang tinubdan rasong walay mapa-ingnan nga hustisya og kaangayan.
Ang maong pagdungog nagpakita matud pa sa kahugaw na usab sa pulitika sa Pilipinas.
Pasabot pa ni Caño nga nahimong instrumento ang Kamara sa politikanhong lihok diin wala gihatagan og kahigayonan ang complainant nga mapakita ang substance sa reklamo kundi mihimo pa sila og fishing expedition pinaagi sa pagpakita sa Statements of Assets, Liabilities, and Net Worth kon SALN sa besi presidente.
Wala matud pay fairness ang maong pagdungog tungod kay wala may gipakita nga dunay consent ang gipakitang mga dokumento sa bana sa besi presidente nga si Atty. Manases Carpio.
Gane ang Anti-Money Laundering Council kon AMLC wala usab napakita ang objective sa kwarta kung asa ang dili mapasabot nga bahandi sa pamilyang Duterte og walay mapakita usab nga court order sa pagpagawas og dokumento.
Tungod niini, lauman matud pa ang intervention sa Korte Suprema ilabina kay dunay mga petisyon nga giduso aron ipahunong ang maong impeachment proceedings.
Bisan paman niini, nagtoo si Caño nga moabot kini sa senado tungod kay numero man ang away sa maong hisgutanan./
