BUTUAN CITY- Gipanghimakak ni Atty. James Reserva, usa ka Law expert, nga ang gihimong mini trial batok sa Bise Presidente klaro matud pa nga adunay motibo nga pag-demoralize ug pag-discredit sa opisyal imbes nga mangita og kamatuoran ug accountability.
Matod pa niini, ang mga miyembro sa Committee on Justice nga lakip sa proseso mao usab ang mga nagduso sa impeachment complaint, hinungdan nga dili na masiguro ang fairness diin base sa mag lihok palang mipakita na og hostility.
Sigon pa ni Reserva nga kung tinuod pa nga accountability ang tuyo, dapat unahon ang kaso batok sa Presidente tungod sa klaro nga ebidensya sa bilyones nga pesos nga nawala sa national treasury nga mingresulta sa pagkunhod sa kahimtang sa katawhan.
Apan ang giakusahan sa Bise Presidente mao lang ang alleged misuse sa confidential funds nga, sumala sa Commission on Audit, ang penalty restitution ug dili impeachable offense.
Dugang pa ni Atty. Reserva, ang mini trial nagpakita lang og political expedition tungod walay klaro nga ebidensya sa akusasyon, ug kini nagpasabot nga ang proseso wala motuman sa hustong sistema sa balaod ug hustisya sa nasud.
