Mga war materials ug landmines narekober gikan sa NPA hideout nga na-ilog sa militar sa Surigao del Norte

BUTUAN CITY – Narekober sa mga sakop sa 30^th Infantry (Python) Battalion ubos sa operational control sa 402nd Infantry (Stingers) Brigade ang pipila ka mga landmines ingon man mga war materiel human ang ilang engkwentro batuk sa mga rebeldeng New People’s Army kon NPA sa bukirang bahin sa  Brgy Camp Edward, lungsod sa Alegria, Surigao del Norte ning mi-aging alas-7:35 sa buntag.

Na-engkwentro sa tropa sa maong batalyon sulod sa 45-minutos ang gibana-banang 15 ka gitu-uhang mga sakop sa Sandatahang Yunit Pampropaganda kon SYP-16C ubos sa Guerilla Front kon GF-16 sa North Eastern Mindanao Regional Committee (NEMRC).

Miresulta kini sa ilang pag-ilog sa hideout sa mga rebelde ug pagkarekober sa usa ka M16 rifle nga duna’y attached M203GL ug duha ka Anti-Personnel Mines kansa hugot nga gidili ubos sa International Humanitarian Law ug sa International Convention on Geneva Protocols.