BUTUAN CITY – Gimando na ni Department of Labor and Employment Secretary Francis Tolentino ang dinali-ang imbestigasyon sa pagkahugmak sa siyam ka andanang dakbalay sa Angeles City sa Pampanga nga miresulta sa pagkamatay sa upat ka mga construction workers ug pagka-missing sa 18.
Sigon ni Tolentino, prayuridad niyang tutukan ang posibleng paglapas sa occupational safety standard sa maong construction site apil na ang ilegal matud pang pagpatukod og barracks sulod mismo sa maong site kansa hugot nga gidili sa Labor and Safety Regulations.
Migawas sa pasi-unang imbestigasyon nga gipa-undang na diay sa DOLE-Region III ang proyekto pinaagi sa gi-isyu nilang work stoppage order apan gitugutan ra gihapon nga ipadayon ang konstruksyon hangtud nga na-abtan na sa pagkahugmak.
Gibutyag sa kalihim nga duna’y ubang mga construction workers nga nakalingkawas sa kaala-utan tungod kay didto mi-istar sa barracks nga anaa sa gawas nga bahin sa maong dakbalay.
Apil sa gi-imbestigahan ang gika-ingong duna’y gihimong swimming pool sa rooftop nga bahin taliwa nga wala kini saktong permit.
