BUTUAN CITY – Taud-taud pa adiser mawala ang mga traditional jeepneys ning siyudad sa Butuan subay sa gikatakdang pagpatuman na sa hingpit sa Land Transportation, Franchising and Regulatory Board kon LTFRB sa Public Utility Jeepney Modernization Program.
Sa eksklusibong pakighinabi sa Bombo Radyo Butuan, gipadayag ni Tata Mira, membro sa Butuan Multicab Operators Transport Service Cooperative kon BUMOTSCO, duna na sila’y mu-abutay pa nga mga bag-ong yunit sa modern jeepneys nga maoy ilang ihulip sa mga traditional jeepneys kansang prangkisa alang lamang sa pagpamasada.
Gibutyag sa opisyal nga sa pagkakaron, gamit pa gihapon mga traditional jeepneys nga maoy kargahan sa mga abot gikan sa mga layo o bukirang bahin ning siyudad ug sa lungsod sa Las Nieves, Agusan del Norte kansa apil pa sa ilang mga ruta.
Sa pagkakaron, gipa-abot na lang nila ang mga bag-ong yunit nga maoy ilang ihulip sa mga traditional jeepneys nga ila nang gi-classify nga i-phase out.
