BUTUAN CITY – Nagtapok sa charity event nga Met Gala sa New York ang mga sikat nga personalidad sa Hollywood, gikan sa natad sa musika, isports ug fashion — sama nila Beyonce, Madonna ug Nicole Kidman.
Ang maong charity event, gi-ila usab nga pinakadako nga gabii sa fashion kondiin tema sa maong kalihukan ang “Fashion is Art,” kansa konektado sa exhibit sa Metropolitan Museum of Art.
Bisan dili tanan misunod sa tema, ang Met Gala nga ginahimo matag-unang Lunes sa Mayo nagpabilin nga usa sa pinakasikat nga red carpet events.
Si Beyonce nga co-chair sa event, mi-abot human sa napulo ka tuig nga wala magpakita kondiin mihimo siya og dako nga impresyon sa iyang bejeweled skeleton gown ug feather coat kuyog ang iyang bana nga si Jay-Z ug anak nga si Blue Ivy.
Ang uban pang co-chair nga sila Venus Williams ug Nicole Kidman nagsugod sa programa kondiin suot ni Kidman ang kolor pula nga Chanel dress, samtang si Williams nagsul-ob og itom nga Swarovski gown.
Anaa usab sila Madonna, Cher, Stevie Nicks, ug ang bag-ong henerasyon sa musika sama nila Sabrina Carpenter, Doja Cat ug Tyla. Si Rihanna ug A$AP Rocky miabot og dugay apan gihimo gihapon ang ilang pasikat nga pagsulod.
