BUTUAN CITY – Posibleng dun na’y desisyon ang pipila ka mga senator-judges nga kanunay’ng dili mutambong sa nagpadayong impeachment trial batok kang Vice President Sara Duterte.
Sigon ni law professor nga si Atty. Lulu Reyes, posibleng adunay na’y kaugalingong desisyon ang maong mga senador kung unsa ang ilang ibotong hukom sa kaso, bisan unsa pa ang mga ebidensiyang ipresentar sa kampo sa depensa ug sa House prosecution panel.
Dugang pa ni Reyes, posible nga dili na importante alang sa maong mga senator-judges ang bisan unsang ebidensiyang ipresentar sa duha ka kampo, hinungdan nga wala na usab sila’y dakong interes sa direksyon sa nagpadayong pagdungog.
Gipadayag usab sa batikang abogado nga makasusubo ang paningkamot sa Senate Impeachment Court nga susihon pag-ayo ang mga ebidensiya, lakip na ang interes sa publiko nga mosubay sa kaso, samtang adunay mga senator-judges nga kanunay lamang dili mutambong imbes nga aktibong mu-apil sa pagdinig.
Bisan pa niini, gi-awhag gihapon ni Reyes ang publiko nga padayon nga bantayan ang impeachment trial ug susihon pag-ayo ang mga ebidensiyang ipresentar sa duha ka kampo aron makab-ot ang mas lawom nga pagsabot sa kaso.
