BUTUAN CITY – Menus pa ang namalit og mga school supplies ning dakbayan sa Butuan, kini base na usab sa taho sa mga mamaligyaay sa maong mga produkto alayon sa nagsing-abot na nga abli sa klase sa Pilipinas.
Sigon sa pagkighinabi ning sibyahan kang Miss Jandug, supervisor sa usa sa mga tindahan og mga school supplies ning syudad, posible matud pa nga wala pay namalit sa kasamtangan og mga gamit tungod sa kapit-os pa sa panahon karon.
Dugang niini nga lahi ra ang ilahang halin kon itandi sa mga nakalabayng tuig, tungod kay kung kaniadto, nagpunsisok na sa ilahang tindahan ang mga mamalitay ning mga panahona asa nagkaduol na ang abli sa klase, karon, mas nigamay matud pa ang ilahang mga customer.
Saysay niini nga sukad nag pandemic, hinay na ang ilahang negosyo.
Sumala usab ni Lovely Libot, supervisor usab sa usa sa mga tindahan ning syudad nga kung kaniadto, maghuot ang ilahang tindahan tungod sa mga mamalitay og School Supplies, karon, bisan kon hapit na ang abli sa klase, wala pa gayuy namalit sa mga niini.
Usa sa mga nakita niini nga rason mao nga wala pa naghatag og requirements ang mga magtutudlo sa ilahang mga estudyante, o diba kaha mao ang wala pa paghatag sa Department of Education og petsa sa pagsugod sa klase.
