BUTUAN CITY – Wala damha sa usa ka babaye sa Manitoba nga ka-unon siya sa yuta dihang mikanaog siya sa sakyanan sa iyang mga higala human gihatud gikan sa pag-bonding.
Sigon sa 58-anyos nga si Christine Keilback, ang iyang mga higala nga sila, Lynda ug Jeff Regan, igo ra mi-drop kaniya gawas sa iyang balay dihang nawala siya og kalit gikan sa ilang panan-aw.
Didto na nasuta sa ilang pagkanaug nga nahulog siya sa bangag nga taga-abaga ang gilawmon nga igo ra gayod usab sa iyang gidak-on ug ang naka-apan kay dili siya makakatkat tungod sa kapi-ot.
Gikuhaan na lang siya og hulagway sa iyang mga higala samtang gihulat ang technical rescue task force sa Winnipeg Fire Paramedic Service.
Bisan og medyo ulaw, apan mibabay na lang siya sa mga tawong nakalabay sa iyang nahimutangan.
Wala hinuon siya ma-injured dihang nahulog sa gitu-uhan niyang sinkhole, kansa sigon sa mga rescuers, usa diay ka catchbasin nga nawad-an og manhole cover.
