BUTUAN CITY – Subling gi-ila ang mga de-kalibreng programa sa Bombo Radyo Philippines atol sa virtual 42nd Catholic Mass Media Awards (CMMA) kagabii kondiin napiling Best News Feature ang Top of the Hour News sa Star FM Roxas.
Nakadawat usab og Special Citation isip Best Counseling Program ang Kahapon Lamang sa Bombo Radyo Iloilo, ug ang Bombo News and Views AM Edition sa Bombo Radyo Koronadal.
Mi-abot sa 13 ka mga programa sa Bombo Radyo Philippines ang napiling finalists sa prestihiyosong Catholic Mass Media Awards nga gilusad sa mitaliwang si Manila Archbishop Jaime Cardinal Sin niadtong tuig 1978 isip pagsaludo sa mga maayong programa gikan sa managlahing natad sa media nga nagduso sa basic human values sama sa paghigugma sa Diyos, respeto sa kinaiyahan, pag-promote sa positibong batasan sa mga Pilipino ug paghatag og importansya sa kinabuhi.
Ang uban pang mga programa sa Bombo Radyo Philippines nga nalakip isip mga finalists mao ang Best Inspirational Song: Walang Iwanan by Toto Sorioso/Bombo Radyo Philippines; Best News Feature: Bombo Special Report sa DYFM Bombo Radyo Iloilo; Best News Feature: Pista ng Itim na Nazareno sa 102.7 Star FM Manila; Best News Feature: People Living With Hope sa 102.7 Star FM Manila; Best News Feature: Feast of Saint Lorenzo Ruiz sa Bombo Radyo Baguio; Best Public Service Program: Bombo Lifestyle sa Bombo Radyo Iloilo.
Finalists usab isip Best Counseling Program: Recuerdos dela Vida sa Bombo Radyo Tuguegarao; Best Counseling Program: Kahapon Lamang sa Bombo Radyo Bacolod; Best News Commentary: Bombo Hanay Bigtime sa Bombo Radyo Baguio; Best News Program ang Bombo News and Views Afternoon Edition sa Bombo Radyo Tacloban.
