BUTUAN CITY – Mixed reaction ang mga kababayang Pinoy sa Estados Unidos sa gikatakdang pagbisita ni Pangulong Bongbong Marcos Jr., sa New York karong Septembre.
Sumala ni Bombo International Correspondent New York Marlyn Bantoc MacClary sa ekslusibong pakighinabi sa Bombo Radyo Butuan, duna’y managlahing reaksyon ang Filipino community sa Estados Unidos kondiin adunay uban nga dili niya supporters niadtong eleksyon apan okey na sa pagsuporta sa iyang liderato bisna og duna usa’y uban nga magprotesta.
Bisan pa adunay lain-laing gibati ang mga Pinoy sa America kang PBBM, sila ang andam gihapon nga maghi-usa isip Filipino community aron suportahan ang mga kalihukan sa Pangulo.
Dugang niini, ang kadaugan ni Marcos Jr. niadtong eleksyon ang hingpit nga gisuportahan sa Filipino Community bisan pa katong adunay kasuko kaniya tungod kay sila nagtuo nga dili basta-basta ang mga problema sa nasud.
Wala usa’y nakit-ang problema si Marlyn sa himuong state visit sa pangulo sa Estados Unidos.
