BUTUAN CITY – Gikumpirma sa Department of Health nga mikunhod na ang ihap sa mga indibidwal nga nataptan sa sakit na Pertussis sa nasud. Sigon ni Health Secretary Ted Herbosa , nakatala na lang sila og 50 ka mga kaso sa pertussis kada-semana kansa mas ubos kumpara sa natalang 300 ka mga kaso kada-semana niadtong Abril.
Base sa datos, nakatala ang ahensya og 131 ka mga kaso niini sukad niadtong July 7 hangtud 20 samtang 77 usab niadtong July 21 hangtud August 3 ug 19 gikan niadtong Agusto 4 hangtud 17.
Gipasabot sa ahensya nga resulta kini sa ilang gihimong routine vaccination sa nagkada-iyang lalawigan. Sa pagkakaron, upat ka mga rehiyon na lang mitala og pagtaas sa kaso nga mao ang Cagayan Valley, Metro Manila, Western Visayas, ug Davao Region.
