BUTUAN CITY – Ubay-ubay nga mga kalihukan ug mga programa ang gihan-ay sa National Museum Butuan alang sa pagsa-ulog karon sa entiro nasud sa sa pagpanguna sa National Commission for Culture and the Arts.
Sa eksklusibong pakighinabi ning sibyahan, gipadayag ni Eunice Plaza, hepe sa National Museum Butuan, kinahanglan ang pag-obserba sa maong kasa-ulugan tungod kay dinhi mapakita ug mapadayon ang apgdumdom sa mga kabiling kultura ug mga arts nga mahimong mapasa sa umalabot pang mga henerasyon.
Kini matud pa ang maghatag kanato og identity sa atong pagka-Filipino.
Samtang gipadayag usab ni Alvin Magdua, ang information officer sa maong museum, apil sa nakahan-ay nilang kalihukan ang pagsa-ulog sa Balangay Festival nga naka-angkla sa mga balangay boats – ang pinaka-karaan nga watercraft sa nasud.
Magamit usab matud pa ang atong kultura ug tradisyon dili lang ning rehiyon kondili sa tibuok nasud, alang sa pag-ugmad sa kolektibong kaugmaon.
Kini ang hinungdan nga iyang gipanawagan ang tanan nga sa-ulugon ang atong kabilin nga kultura gikan sa atonmg mga katigulangan tungod kay mao kini ang nag-ugmad kung kinsa kita karon ug unsa na ang paglambo sa atong siyudad.
