BUTUAN CITY- Aminado si kanhi Alliance of Concerned Teachers kon ACT Teachers party list Rep France Castro nga dugay nang gibansagan ang mga representante sa House of Representatives nga mga buaya.
Kini isip reaksyon sa paghulagway ni Rep Kiko Barzaga sa Kamara nga mao matud pa ang crocodile farm diin nagtapok ang daghang mga kongresista nga maoy iyang gibansagang mga buaya.
Sa eksklusibong pakighinabi sa Bombo Radyo Butuan, gipadayag ni Castro nga talilwa sa kadugay nang bansag sa mga kongresista nga mga buaya, karon lang nahitabo nga ma-isugon kining gibutyag ni Barzaga sa iyang pagbalik og tambong sa sesyon human nasuspende tungod sa iyang mga posts batuk sa kawala’y aksyon sa administrasyong Marcos tungod sa lapad nga kurapsyon karon sa nasud.
Dugang ni Castro, sa iyang panahon sa Kongreso, wala mahitabo nga nagbangi ang mga kongresista tungod sa mga kasaba nga mugna sama sa gihimo nila Congressmen Kiko Barzaga ug Leandro Leviste. Bisan matud pa ang Kabataan partylist na vocal usab sa ilang mga obserbasyon, wala matud pa sukad makigbangi sa ilang ka-ubanan tungod kay ang ila matud pang mga alegasyon, duna’y igong mga ebidensya.
