BUTUAN CITY – Giklaro ni Bombo International correspondent Denmark Suede direkta gikan sa Sydney, Australia nga private visit lang ang pagdalikyat ni presumptive President Ferdinand ‘Bongbong’ Marcos Jr. ngadto sa Melbourne aron lang unta du-awon ang iyang kinamanghurang anak nga si Vincent kinsa nagtungha og juris doctor kansa bugti sa law degree dinhi sa Pilipinas didto sa University of Melbourne.
Sa eksklusibong pakighinabi sa Bombo Radyo Butuan, gipadayag ni Suede nga nasayran sa mga anti ug pro-supporters ni Marcos ang iyang pagbisita rason nga duna’y nagprotesta atubangan mismo sa ilang gipuy-ang service apartment kinsa supak sa iyang kada-ugan.
Apan kini gamay lang matud pa kumpara sa iyang mga supporters nga nahinangop sa iyang pag-abot ug init kining gisugat kondiin duna’y uban nga nakahilak sa tumang kalipay.
