BUTUAN CITY – Gibitbit sa kapulisan nga sakop sa Butuan City Police Station kon BCPS-3 ang driver sa usa ka kolor puti nga kotse human niini gidaro ang pipila ka motorsiklo sa likod nga bahin sa City Sports Complex tali sa utlanan sa Brgy. Bonbon ug Brgy. Libertad ning siyudad.
Sigon ni Francis Sandro Rosales, usa sa mga nakasaksi sa maong hitabo, layo pa lang ang maong kotse, nakita na nilang nag-ikis-ikis na ang dagan niini hangtud nga naharos na ang pipila ka mga motorsiklo nga nabantayan pa sa uban nga nagkatawa samtang gibanggaan ang mg motorsiklo.
Gibutyag usab ni Jake Trillo nga dapit pa lang sa Sto Niño Shrine, duna na’y nabanggaan ang wala pa ma-ilhing driver nga gibiyaan lang ang nabanggaan pasulod na unta sa Brgy. Bonbon apan sa tulay pa lang ng bahin, mibangga na sa Lotto outlet hangtud nga nawad-an na kini og kontrol ug hingpit nang na-igo sa signage.
Nasayrang tungod sa grabeng kahubog, wala na makatindog pa ang suspek rasong gikugos na lang kini sa mga pulis padulong sa Butuan City Police Station 3 alang sa tukmang disposisyon.
