BUTUAN CITY – Mibati og tumang kasubo ang Mexico sa kamatayon sa tulo nila ka mga kababayan atol sa pagsa-ulog nila sa pagdaug sa ilang national football team kagahapon batuk sa Ecuador sa round of 32 sa nagpadayong FIFA World Cup 2026.
Sa eksklusibong pakighinabi sa Bombo Radyo Butuan, gipadayag ni Bombo international correspondent to Mexico Dr Ivan Marino nga namatay ang mga biktima tungod kay naglisod pagginhawa sa kadaghan sa mga tawong nagtapok atol sa kasa-ulugan kondiin posibleng gi-atake sila sa kasing-kasing.
Duna matud pa’y laing upat nga padayon pang gi-atiman sa ospital samtang nagpadayon pa ang imbestigasyon sa mga otoridad aron masayran ang sequence sa maong panghitabo.
Duna na matud pa’y mga susamang selebrasyon sa nangagi nga mga world cups apan dili ingon kagahapopn ang kadaghan sa mga tawong nakigsa-ulog sa kada-ugan kondiin nagdinut-dutay na tungod sa kahuot ug maglisod na sa paglihok.
Sa pagkakaron, dili pa makumpirma ang gika-ingon nga nagsugod matud pa sa pagpabuto sa pyrotechnics ang komosyon tungod kay padayon pa kining gi-imbestigahan ilabina nga wala kini gitugot sa mismong Mexico City gawas lang sa mga opisyal nga kalihukan nga pangunahan sa kagamhanan sama sa umalabot nilang pagsa-ulog sa Independence Day sa Septembre 16.
