BUTUAN CITY – Nagbahad si Department of Social Welfare and Development kon DSWD Sec. Erwin Tulfo nga mahimong mabilanggo ang mga nagpa-utang nga mudawat og Pantawid Pamilyang Pilipino Program kon 4Ps card.
Kini human mi-abot sa iyangkasayuran nga duna matud pa’y mga membro sa 4Ps nga nagprenda sa ilang mga cash cards ngadto sa mga loan sharks bugti sa ilang utang.
Sigon ni Tulfo, anaa sa 40-porsiento ang tubo nga singlon sa mga giprendahan ngadto sa gi-utang kanilang kwarta rason nga dako ang makuha gikan sa binuwang hinabang nga gihatag sa gobyerno ngadto sa mga benepisyaryo niini.
Sigon sa kalihim, supak kini sa balaud ug siguraduhon niyang sa bilangguan ang padulngan sa mga nagpa-utang nga himuong garantiya ang cash card.
Plano usab ni Tulfo nga tangtangon sa listahan sa usa ka milyon nga mga benepisyaryong dili kwalipikadong mudawat og cash aid gikan sa gobyerno
