BUTUAN CITY – Gibakwi sa International Criminal Court (ICC) ang kabalaka sa mga komunidad ug member states nga basin dili na magpadayon ang ilang mga kaso human sa pagtangtang kang prosecutor Karim Khan dihang napamatud-ang guilty siya sa serious misconduct ug breach of duty.
Sumala sa ICC, ilang gi-ila ang desisyon sa Assembly of States Parties nga nagbotar niadtong Biyernes aron tangtangon si Khan.
Sa secret ballot voting nga gihimo sa UN headquarters sa New York, 82 sa 152 ka miyembro ang mibotar nga tangtangon siya sa pwesto.
Giklaro sa ICC nga magpadayon gihapon ang mga kaso nga ilang gidungog ug dili kini maputol tungod kay ang mga deputy prosecutors ang molingkod isip hulip kang Khan.
Magpabilin sa puwesto sila Deputy Prosecutors Nazhat Shameem Khan ug Mame Mandiaye Niang.
Madumdomang ang 56-anyos nga si Khan, mibiya na sa iyang trabaho sukad pa Mayo 2025 human sa pagsugod sa imbestigasyon tungod sa alegasyon nga iyang gipasipala ang usa ka babayeng staff.
