BUTUAN CITY – Hugot nga monitoring ang gihimo sa Department of Health kon DOH-Caraga uban sa mga hingtungdang local government unit kon LGU sa kondisyon sa mga bag-ong kaso sa COVID-19 nga natala ning rehiyon apil na ang padayon sa paglusad nila og contact tracing.
Kini human nga nakumpirma kagahapon ang tulo ka bag-ong mga kaso nga gilangkuban sa usa ka 46-anyos nga lalaking gikan sa Quezon City ug mi-abot niadtong Mayo 23 via land trip ingon man usa ka 28-anyos nga lalaki ug 22-anyos ng babayeng parehong gikan sa Cebu City ug naka-abot niadtong Mayo 7 via airplane nga mitugpa sa Bancasi Airport niadtong Mayo 27.
Tungod niini, nanawagan ang regional office sa tanang mga pasahero sa PAL Flight PR4361 ng mu-contact sa ilang mga local health authorities o kaha sa DOH Hotline: 09453592632 or 09482241857 alang sa himuong medical evaluation.
Samtang sa gihimong follow-up test sa ika-unom, ikapito ug ikawalong COVID-19 positives, migawas sa case bulletin number 25 sa ahensya nga positibo pa gihapon sila sa coronavirus. Kadungan sila sa laing 12 ka mga suspected cases nga gipa-ilalom sa swab test kinsa pulos nagnegatibo sa ilang nadawat nga resulta.
