BUTUAN CITY – Ipagawas karong Miyerkules ang pipila sa mga importanteng records ni Vice President Sara Duterte dungan sa pag-atubang sa pipila ka mga resource persons ug mga representante sa mga ahensya sa gobyerno nga gi-subpoena sa House Justice Committee.
Apil na niini ang Office of the Ombudsman, Anti-Money Laundering Council kon AMLC ug ang Bureau of Internal Revenue kon BIR kansa maoy nagkupot sa mga importanteng records sa besi presidente sama sa bank records, tax records ingon man Statements of Assets, Liabilities and Networth kon SALN.
Gila-uman nga mutambong usab sa pagdungog si Senador Antonio Trillanes IV – usa sa mga nag-akusa kang VP Sara nga duna kini mga tinagu-ang bahandi.
Sigon ni Akbayan Rep Perci Cendaña, sayron sa komite ang kamatu-uran sa gika-ingong kadudahang bank transactions si VP Sara ug ang iyang banang si Atty Mans Carpio kansa maoy usa sa gihimong basehan sa impeachment complaints.
Mala-umon si Cendaña nga adiser ang ikatulong pagdungog sa House Justice Committee, madawat na sa mga membro ang kopya sa gipangayo nilang mga records aron matun-an og maayo adiser ang hearing proper ug makapangandam sila sa ilang mga pangutana.
