BUTUAN CITY – Duna na’y dakong ka-usabang ipatuman ang lokal nga kagamhanan ning siyudad sa Butuan sa paggamit sa mga color-coded nga home quarantine passes kon HQP karong gipa-ilalom na sa Inter-Agency Task Force ang siyudad sa general community quarantine kon GCQ.
Sa eksklusibong pakighinabi sa Bombo Radyo Butuan, gibutyag ni City Councilor Cromwel Nortega nga kung kaniadto, kaduha lang ka higayon kada-semana makagawas sa balay ang mga tawo, apan karon mahimo na kining katulo.
Kini tugod kay mas luag-luag man GCQ kung ikumpara sa Modified GCQ rason nga kadtong nagkupot og kolor itom nga HQP, makagawas na sa mga adlaw nga Lunes, Huwebes ug Sabado samtang ang mga nagkupot og kolor blue, makagawas sa mga adlaw’ng Martes; Biernes ug Dominggo ug kadtong duna’y kolor pula, makagawas sa mga adlaw’ng Lunes; Miyerkules ug Sabado.
Ang mas nakanindot karon tungod kay kung kaniadto, kada-Dominggo lang makagawas ang mga senior citizens karon kaduha na apil na sa adlaw’ng Miyerkules.
Apan mu-epekto lang kini higayong mapagawas na ang official guidelines alang niini sa buhatan ni Mayor Ronnie Vicente Lagnada.
