BUTUAN CITY – Mubiya na karong adlawa ang mga atleta sa Caraga Region alang sa Palarong Pambansa nga himuon sa Cebu City kansa magsugod ning adlawa Hunyo 30 hangtud sa Hulyo 19.
Sigon ni Pedro Tecson, tigpamaba sa Department of Education kon DepEd-Caraga, suportado sa tanang mga local government units ang mga atleta sa ilang lokalidad nga apil sa maong padula gikan sa logistics ngadto na sa suportang moral aron mas madasig sila sa ilang exposure sa nagkada-iyang kompetisyon.
Dako ang pagpasalamat sa opisyal tungod kay nahimo nila ang tanang gikinahanglan nilang preparasyon ilabina ang trainings sa mga batang atleta.
Mala-umon siyang makadala og mga medalya ang mga atletang Caraganons tungod kay daan na nilang gila-uman nga mas maayo ang performance unta sa mga atleta karong tuiga kumpara sa nangaging mga tuig.
