BUTUAN CITY – Giklaro sa International Criminal Court (ICC) nga wala pa sila’y gipagawas nga public arrest warrant batuk kang Senador Ronald “Bato” Dela Rosa dinhi sa Pilipinas.
Gitambagan usab sa ICC ang publiko nga kinahanglang mutuo lang sa mga opisyal nga pamahayag ug likayan ang pagpakaylap og dili beripikadong nga impormasyon online.
Madumdumang una nang gibutyag ni Interior and Local Government Secretary Jonvic Remulla nga nag-andam na sila og 10,000 ka mga sakop sa task force alang sa pag-aresto sa senador higayong mugawas na ang warrant of arrest gikan sa ICC dungan sa pagklaro nga wala pa sila’y nadawat nga bisan unsa mang kopya niini.
Madumdumang nagsilbi si Dela Rosa isip hepe sa Philippine National Police kon PNP sa panahon ni kanhi Pangulong Rodrigo Duterte ug gidamay siya karon sa duguong war-on-drugs nga gipasaka ngadto sa ICC.
Base sa impormasyong nakuha sa kalihim, anaa matud pa sa Davao Region karon ang nagtago pa gihapong senador.
