BUTUAN CITY – Gipildi sa Co-hosts Mexico ang gilangkuban lang sa siyam ka magdudula nga South Africa sa iskor nga 2-0 sa opening match sa 2026 World Cup nga gihimo sa cacophonous Azteca Stadium.
Nahugyaw ang 80,824 nga nagtan-aw sa dula human nga napasulod ang goal sa 9 ka minutos ni Julian Quinones nga miagi ang bola sa tiil ni Ronwen Williams.
Ang 17-anyos nga si Gilberto Mora nakadawat og usa ka pasidungog sa dihang misulod siya sa ika-67 nga minuto aron mahimong ikaduha sa labing batan-on nga magdudula nga mipakita sa usa ka World Cup finals, sunod kang Norman Whiteside sa Northern Ireland niadtong 1982.
Ug pipila ka gutlo ang milabay, ang mga manan-aw mibalik sa ilang kasadya human si Raul Jimenez nakakuha og goal kansa pinaka-unang higayon sukad sa upat ka higayon nga misalmot sa World Cup finals.
Mas misamot pa ang kasubo sa South Africa sa nahabiling pito ka minuto sa dihang gipalayas sa dula si Themba Zwane human sa gihimo nga VAR review diin nakita nga gituyo niining gitakod ang iyang bukton sa ulo ni Alvarez bisan wala silay giilugan og bola.
Ang defender sa Mexico nga si Cesar Montes mao ang nahimong ikatulo nga player nga gipalayas samtang ang South Africa padayong miatake aron unta makakuha og bisan usa ka puntos.
Sa wala pa ang dula, si Shakira ug Andrea Bocelli ang naghatag og kadasig ug kahayag sulod sa hapit 25-minutos nga opening ceremony, diin ang stadium napuno na gyud sa mga tawo mga duha ka oras sa wala pa ang alas-singko sa hapon nga kick-off.
