Manila City nangandam alang sa ihatag nga heroes welcome sa mga delegates sa Paris Olympics

BUTUAN CITY – Sentro sa atensyon karon ang mga tarpaulin nga gipangbitay sa Manila City government sa mga kalsada apil na ang pag-andam  sa pag-abot ni golden boy Carlos Yulo ug mga delegado sa nasud sa Paris Olympics. Si Yulo natawo ug nagdako sa Malate, Manila diin siya nagbansay og gymnastics.

Makita sa mga nag-unang kalsada ug mga eskinita sa Metro Manila ang mga hulagway ni Caloy nga naka-imprenta sa mga gipangbitay nga tarpaulin nga duna pa’y mga mensahe sa pagtimbaya. 

Daghan  sa mga tarpaulin gipangbitay sa mga street

lights sa kilid ug tunga sa mga kalsada. Una nang gibutyag ni Manila Mayor Honey Lacuna nga maghatag siya og hero’s welcome kang Caloy sa iyang pagbalik gikan sa makasaysayanong Olympics.