-- ADVERTISEMENT --
BUTUAN CITY – Padayon pa ang imbestigasyon sa kapulisan sa San Francisco, Agusan del Sur aron ma-ilhan na ug masikop ang mga responsable sa pagpusil-patay sa magti-ayong senior citizens pasado alas-sais ning mi-aging gabii didto mismo sa ilang pinuy-anan.
Naila ang mga biktimang sila Exequil Naldoza, 65-anyos ug asawa niining si Feliciana, 62-anyos, parehong residente sa Purok 1, Brgy. Bayugan 2 sa nasangpit nga lungsod.
Gika-ingong duha ka mga lalaki ang misulod sa panimalay sa mga biktima dayong pamusil taliwa sa kawala nila’y dag-anan dayong sibat padulong sa wala pa matinong direksyon. Narekober sa kapulisan sa crime scene ang unom ka mga basiyo sa kalibre .45 nga pistola.
