BUTUAN CITY – Padayon pang gipakisayran sa kapulisan ang motibo ug identity sa suspek nga miputol sa ulo sa usa ka mag-uuma didto sa Purok 13, Sta Monica, Barangay Bunawan Brook, Bunawan, Agusan del Sur resulta sa iyang kamatayon.
Na-ila ang biktimang si Marjun Manaytay, 33 anyos, minyo, adunay duha ka anak ug residente sa nasangpit nga lugar.
Sumala ni PSSgt. Gil Ursos, imbestigador sa Bunawan Municipal Police Station, sundang ang gigamit sa pagputol sa li-og sa biktima samtang anaa kini sa payag sa iyang uma.
Sumala usab sa igsoon sa biktima napalgan nalang niining naligo sa kaugalingong dugo ang igsuon ug nabuwag ang ulo napulo ka metros ang distansya gikan sa iyang lawas. Gikasa na ang hugot nga imbesitgasyon sa BMPS ug pagpangita sa suspek.
