BUTUAN CITY – Padayon karun ang gihimong security coverage sa mga tourist spots, mga terminal, sa airport og pantalan dinhe sa siyudad sa Butuan. Kini alayon sa gipahugtang Ligtas Summer Vacation 2026 sa Butuan City Police Office.
Sigon ni PCOL Restituto P. Lacano Jr., Acting City Director sa Butuan City Police Office, dunay gibutyang silang assisstance desk nga kadoolan sa mga bisita o bisan kinsang dunay problema atol sa ilang pagbiyahe.
Ibutang kini sa mga highway, bus terminal, airport og seaport.
Una nang gikalipay sa opisyal tungod sa malinawon ug hapsay nga pagpahigayon sa Panaad 2026 (Via Crucis) sa Brgy. Anticala niadtong Biyernes Santo. Daghang deboto ang mitambong aron motuman sa ilang panaad ug mag-apil sa espiritwal nga kalihokan.
Aron masiguro ang kaluwasan, nagdeploy ang BCPO uban sa PRO13, Armed Forces of the Philippines, ug mga boluntaryo gikan sa komunidad.
Gibutang ang mga pwersa sa nagkalain-laing lugar gikan Sitio Iyao hangtod Sitio Mahayahay diin naglakaw ang mga deboto.
Sumala ni PCOL Lacano, ang kalampusan sa kalihokan resulta sa maayong preparasyon, dedikasyon sa kapulisan, ug kooperasyon sa publiko. Magpadayon ang ilang paghatag sa seguridad may kalabutan sa Balaang Semana hangtud ugmang adlawa, Sa Pagkabanhaw ni Hesus.
