BUTUAN CITY- Mingtingog na ang aktor nga si Slater Young human gibasol sa ilang pamilya ang natigayong dakong pagbaha sa Cebu niadtong Nobyembre 4, 2025.
Gipanagiyahan sa celebrity engineer ang Mont Property Group kansa mao matud pa ang nahimong hinungdan sa halapad nga pagbaha niadtong pag-agi ni bagyong Tino nga gikamatay sa kapin 100 ka-tao.
Sa iyang social media account nagpagawas kini og video message kung asa giinsistar niini nga walay kalabotan ang ilang negosyo sa pagbaha. Dugang pa niini nga nakatabang pa ang nasangpit nga real estate aron makunhuran ang pagbaha sa ilang lugar. Nagpa-abot usab kini og pahasubo sa mga kabanay sa mga namatay’ng sa pagbaha.
Giklaro usab niini ang ilang pagpakahilom tungod naglihok na matud pa ang imbestigasyon kalabot sa nasangpit nga isyu.
