BUTUAN CITY – Gi-andam na ang kasong ipasaka batuk sa nagpa-ilang supremo ug membro sa grupong mangingilog og yuta- ang tribung Lapaknon human sila nadak,pan kagahapon sa alas-3:30 sa hapon sa may Purok 8, Brgy. Obrero ning siyudad sa Butuan.
Base sa report sa Butuan City Police Station 2, miresponde sila PSSg Enriquito Lahaylahay ug Patrolman Christopher Olaco, parehong na-detail sa Task Force Bantay Butuan (TFBB) uban sa mga personahe sa Task Force Bantay Butuan, Resettlement, Relocation ug Anti-Illegal Task Group sa tawag ni Kapitan Fernan Rivero.
May kalabutan kini sa nagpadayong ilegal nga pagtukod og balay rasong na-abtan sa tropa ug gidakop ang nagpa-ilang supremo sa tribung Lapaknon nga si Reynante Eva Asaytona, 52-anyos, minyo ug residente sa Purok 4, Brgy. Ambago ning syudad ug membro niining si Lucilo Amora Escobido, 57-anyos, minyo ug residente sa Purok 4, Brgy. Banza, kinsa parehong nakuhaan og mga sundang.
Gikostudiya na sila sa BCPS 2 samtang gi-andam ang reklamonmg ipasaka batuk kanila nga mao ang paglapas sa Batas Pambansa Blg. 6 kon illegal possession of bladed weapon alang sa inquest filing.
