BUTUAN CITY- Ming-atubang sa International Criminal Court (ICC) ang kanhi hepe sa usa ka presohan sa Libya nga si Khaled Mohamed Ali El Hishri kalabot sa mga alegasyon sa war crimes ug crimes against humanity nga nahitabo matud pa sa Mitiga prison gikan sa 2015 hangtud 2020.
Sumala sa mga prosecutor, si El Hishri gituohang utok sa mga torture, sexual abuse, ug pagpatay sa mga detainee sa maong pasilidad. Lakip matud pa sa mga biktima ang mga kababayen-an ug usa ka 15-anyos nga lalaki.
Sigon usab sa prosekusyon nga daghang piniriso ang namatay tungod sa na-angkong “mistreating, sexually abusing, uig killing detainees.”
Ang kasamtangang hearing sa ICC dili pormal nga pagtaral. Tumong niini nga sayron kung igo ang ebidensya aron masuta ang full trial batok sa akusado. Posibleng aprubahan sa mga huwes ang pagpasaka og kaso, pagbasura, o utrohon ang mga alegasyon.
Batok niini hugot nga gilimod ni El Hishri ang mga akusasyon ug minhangyo og kagawasan.
Parte ang kaso sa mas halapad nga imbestigasyon sa ICC sa mga krimen sa Libya human sa 2011 uprising nga pagpalagpot sa kanhi lider nga si Muammar Gaddafi.
Samtang usa pa ka opisyal sa Libya nga si Osama Almasri Najim ang lakip usab sa mga gipangita kalabot sa susamang mga alegasyon sa pagpang-abuso sa kakuwangon, apan nahimong kontrobersyal ang kaso niini human kini gipagawas sa mga awtoridad sa Italya.
.
