BUTUAN CITY – Gihikay na ang kasong ipasaka batuk sa lalaking naaresto sa gikasang anti-illegal drug operation pinaagi sa buy-bust operation kaganinang 4:46 sa buntag sa may P-2, Barangay Agao, Butuan City.
Gihimo ang operasyon sa ginsakpan sa City Drug Enforcement Unit sa Butuan City Police Office batuk na sa suspek nga si Rivero Fajardo Busa alyas Roy, newly identified street level Individual isip user/pusher, 48-anyos, dunay live-in partner, walay trabaho og residente sa Purok Pechay A, Brgy. Golden Ribbon, Butuan City.
Nakuha sa posisyon sa suspetsado ang b15 ka sachet nga dunay gidudahang shabu nga mitimbang og 30 gramos og dunay market value nga 204-mil pesos.
Lakip sa nakuha ang Marked money nga 3-mil pesos nga gilangkuban sa usa ka libo nga tinood nga kwarta og duha ka counterfeited 1000 Peso bill nga pulos dunay serial number.
Lakip sa gikumpiska ang usa ka unit sa motor, cellphone, mag Drug paraphernalia, sama sa lighter, gunting og nagkadaiyang transparent plastic sachet.
Gikustudiya karun ang dinakpan og ang nakuhang mga ebidensiya sa Butuan City Police Office alang sa tukmang disposasyon.
