BUTUAN CITY – Laing insidente na usab sa pagkalumos ang natala sa Barangay Masao, Butuan City kagahapon sa alas 10:50 sa buntag.
Sa nakuhang impormasyon gikan sa Butuan City Police Station-3, naila ang biktimang si Leonardo Lariosa Vallar, 54-anyos, bulag sa asawa, usa ka empleyado sa pribadong kompanya og residente sa P-16, Brgy. Maguinda, Butuan City.
Gitaho nalang sa anak sa biktima nga si Jerson Vallar ngadto sa kapulisan nga anaa sa Masao Police Visibility Box nga nalumos ang iyang amahan samtang kni naligo sa beach sa may Purok-4.
Sumala pa, hubog ang biktima og dili kini mahibalong molangoy.
Miabot usab ang mga personahe sa OpCen diin gisulayan sa pag-revive ang biktima samtang kini gidala sa Agusan Norte Provincial Hospital, apan gideklara kining dead on arrival sa duty physician nga si Dr. Roe Yee.
Sa pagkutlo ning balita, gipahiluna ang patay’ng lawas sa biktima sa usa ka punerarya ning siyudad.
