BUTUAN CITY – Hingpit nang napatay sulod sa chamber sa Utah Department of Corrections pinaagi sa lethal injection si Taberon Honie kansa mao ang unang death row inmate nga napahamtangan og death penalty sukad niadtong tuig 2010.
Ang 48-anyos nga si Taberon Honie, nahukman og silot-kamatayon niadtong tuig 1999 tungod sa pagpatay kang Claudia Benn, ang inahan sa iyang kanhi hinigugma.
Human ang pila ka tuig nga pakyas nga apela apil na ang bag-uhay lang gihimong commutation hearing ug petition kang Utah Gov. Spencer Cox, gisunod na sa mga prison officials ang ilang plano pag-execute kang Honie pinaagi sa lethal injection gamit ang single dose sa pentobarbital.
Adiser ang execution, gihatagan pa si Honie og usa ka tablet diin nagtan-aw siya og mga salida apan wala niya kini gamita, hinuon nakigkita siya sa iyang pamilya nga gilangkuban sa iyang anak, inahan ug iyang amahan, tulo niya ka mga igsoon, duha ka ig-agaw, iyang bayaw ug iyang iyaan kansa pinaagi lang sa bintana nga duna’y samin.
