BUTUAN CITY – Nadugangan na usab og 71 ka mga bag-ong kaso sa COVID-19 ang Caraga Region karong adlawa samtang usa ang patay base sa gipagawas nga virtual announcement sa Department of Health-Center for Health and Development kon DOH-CHD Caraga ning buntaga lang human napagawas ang RT-PCR results kagahapong adlawa.
Sa maong ihap, 58-porsiento niini ang anaa sa edad nga 21 ngadto sa 50-anyos kondiin ang pinakabata nag-edad og 6-anyos samtang 85-ayos ang pinakatigulang.
Sa maong ihap usab, 38 ang mga babaye kon 54-porsiento sa maong gidaghanon samtang 33 usab ang mga lalaki kon 46-porsiento nga na-apod ngadto sa lalawigan sa Agusan de Norte nga mi-abot sa siyam kondiin duha niini natala sa lungsod sa Buenavista samtang tag-usa usab sa mga lungsod sa Carmen, Magallanes, Las Nieves, Nasipit, RTR, Santiago ug Tubay.
Usa usab ang natala sa lungsod sa San Francisco, Agusan del Sur; upat sa Carrascal, Surigao del Sur; usa sa Tubajon, Dinagat Islands Province ug unom sa Cabadbaran City lalawigan sa Agusan del Norte.
Duna usa’y natalang 14 ka mga kaso sa Bislig City, Surigao del Sur nga nabahin sa Brgy. Mangagoy-8, duha sa Brgy. Tabon ug tag-usa sa Brgy. Comawas, Lawigan, Poblacion ug San Isidro.
Pinakadaghan ang natala sa Butuan City nga mi-abot sa 36 ka mga kaso kondiin 7 niini natala sa Baan Km. 3, 6 sa Libertad; tag-3 sa Brgy. Bayanihan, Doongan ug Villa Kananga; 2 sa Brgy. Agusan Pequeño; ug tag-usa sa Brgy. Ambago, Ampayon, Bancasi, Basag, Cabcabon, Dagohoy, Fort Poyohon, Holy Redeemer, Limaha, Pinamanculan, San Ignacio ug San Vicente.
Gikan sa 71 ka mga bag-ong kaso, 60 ang local transmission og sa maong gidaghanon usab, 30 ang mga bag-ong local transmission, tag-14 ang duna’y close contact sa kanhi kumpirmadong COVID-19 positive ug health care worker samtang usa ang frontliner, samtang sa klasipkasyon sa mga kaso, 5 ang duna’y travel history gikan sa lugar nga duna’y local transmission; usa ang frontliner ug lima ang locally stranded individuals kon LSIs.
Sa bag-ong mga kaso usab, 11 ang wala’y gipakitang mga simtomas kon asymptomatic; 59 ang duna’y mild symptoms ug usa ang grabe nga maoy namatay rason nga 70 na lang ang padayong gi-monitor ug gi-atiman.
Ang namatay usa ka 63-anyos nga lalaking taga-Butuan kinsa hypertensive, balik-balik ang hilanat, gi-ubo, gilabdan og ulo, luya ang lawas ug naglisod pagginhawa niadtong Agusto 30 hinungdan nga gi-admit siya sa ospita niadtong Septembre 14 apan namatay ra usab sa maong adlaw.
Sa pagkakaron, ang Caraga Region duna na’y 973 ka kumpirmadong mga kaso sa coronavirus kondiin 582 ang naka-rekber na, 363 ang aktibo ug 28 na ang patay.
