BUTUAN CITY – Atanganan matud pa ang posibleng kausaban sa kadumalahan sa House Of Representatives tungod kay maghatag usab kini og kausaban sa dagan sa impeachment case ni Vice President Sara Duterte.
Sigon ni Professor Gerry Cano, presidente sa Presidente sa Professional Criminologists Association of the Philippines kon PCAP nga sa katapusang bahin sa Hunyo, posiblenga dunay kausaban sa speakership sa Kamara nga posibleng magpausab sa dagan impeachment case.
Kini bisan paman nga dunay posibilidad nga paboran kini sa kadaghanan diha sa Kamara aron ipadala ngadto sa senado nga magsilbing impeachment court.
Kung muabot man sa senado, atanganan usab matud pa ang kausaban sa kadumalahan niini diha sa senate presidency. Apan kini nga hisgutanan , dili matud pa angayan tungod kay dili kini ang importante sa kasamtangang panahon.
Ang mahinungdanon matud pa nga dapat tutukan sa paghisgut mao ang kapobrehon, kaubos sa suweldo, og kamahal sa palaliton.
Tungod niini nga problema, nasalikway matud pa ang katungod sa mga Filipino nga magpakabuhi og tarung sa nasud.
Una nang gipa-ambit sa professor ang iyang na-obserbahan sa daw pag-dribble-dribble sa impeachment case sa besi presidente nga imbes niadto pang Pebrero tapuson, na-abtan hinoon kini og Mayo.
Sumala pa niini,nagpasabot lang kini nga walay igong numero ang kamara aron mopabor batuk sa gireklamo.
Hinoon, mihimo sila og mga pag-subpoena bisan og ilegal sama sa BIR records, aron lang sa ilang personal og political nga interest.
Ang pagpalangay niini, posible usab tungod sa kawalay igong budget nga maoy gihulatan sa mga kongresista.
