BUTUAN CITY – Giklaro ni Atty. Hillary Olga Reserva nga kwalipikado ang Smartmatic nga mosalmot sa 2025 election bidding base sa gipagawas nga desisyon sa Supreme court tungod kay inexistence ang alegasyon sa Commission on Election kon COMELEC en banc batok sa nahisgutang kompanya.
May kalabutan kini sa pagpasalmot sa Smartmatic sa public bidding sa procurement processes alang sa automated election system alang sa 2025 midterm polls.
Sigon ni Atty. Reserva, nakita sa Supreme court nga nakakomitar ang Commission on Election en banc og grave abuse of discretion, apan gi-angkon sa Korte Supreme nga wala na sila’y laing mabuhat human nga gideklara nang daug sa bidding ang South Korean firm nga Miru Systems.
Giklaro pa ni Atty. Reserva nga ang Smartmatic, usa ka multinational company nga nagtukod ug nagpatuman sa mga electronic system sa pagbotar sa katawhan dili lang sa Pilipinas apan apil na sa ubang mga nasud.
Gipasabot usab sa maong abogada nga gusto lang sa COMELEC nga maputol na ang mga isyu sa election nga gikutay ngadto sa Smartmatic rason sa pag-disqualify niini.
