BUTUAN CITY – Nahimong init ang diskusyon sa House of Representative human gitangtang isip miyembro si Cavite 4th District Representative Kiko Barzaga.
Kini sa pagdepensa usab sa pipila ka magbabalaod ngadto kang Barzaga.
Lakip nga midepensa kang Barzaga si Sagip partylist Representative Henry Marcoleta.
Sigon ni Marcoleta nga dili mapa-anindot ang imahe sa kamara pinaagi sa pagpahilom sa mga kritiko hinoon nagkinahanglan ang kamara og institutional reform.
Kini samtang giklaro nga dili mapahilom si Barzaga sa pagbatikos sa kahiwian sa gobyerno.
Pangutana ba ni Marcoleta kung wala nabay gawasnong pagpadayag sa karun.
Samtang gitumbok usab ni Representative Richard Gomez ang kamahinungdanon sa gawasnong pagpadayag diin kini maghatag og epekto sa mga kaubanang magbabalaod nga gustong magbatikos sa nakitang kahiwian.
Gipangutana pa ni Gomez ang mga kaubanang magbabalaod kung limpiyo ba.
Mas maayong disiplinahon kini sa nahimong mga aksiyon apan ang pagtangtang niini sa House of Representatives, dapat ang magdesisyon niini mao ang katawhang mibotar kaniya.
Subay niini, atong balikan ang usa sa mga pamahayag ni Barzaga nga lakip sa hinungdan sa pagtangtang kaniya isip kongressman.
Nakakuha og atensiyon usab ang pagkanta ni Representative Edgar Erice sa Caloocan nga sumala pa politically motivated ang disesyon og dili patas ang paghukom kang Barzaga.
Bisan paman sa maong mga pamahayag, gibarugan sa House Ethics Committee nga ang pamahayag ni Barzaga nakaguba sa reputasyon sa House of Representatives.
